Grove vafler

 V A F F E L D A G E N 25. M A R S

og eg er klar med grove vafler

 Alt etter kva eg har på huset er det variasjon frå gong til gong, men ei slags grunnoppskrift er slik:

Ingredienser:

• 1 l surmelk (eller rømme, vanlig melk, kesam osv)
• 6 dl grovt mjøl (fibramel er best, evt blanding av havregryn og sammalt hvete)
• 3 dl hvetemel
• 4 egg
• 2 ss sukker/sukrin
• 4 ss smelta smør
• 1 ts natron
• 1 ts kardemomme

Framgongsmåte:

1. Bland det tørre, spe i mjølk
2. Visp egg og sukker og rør inn i resten av blandingen
3. Rør inn natron og smelta smør
4. Når alt er piska lar du det svelle i ca 20 min

Desse vaflene plar me servere om me får besøk litt uventa. Eit sunnare, men framleis smakfult alternativ.

Den søte kjeksen fra Amundsen spesial /Whittard gjer seg godt ved sidan av, saman med syltetøy og/eller sukker.

Det er godt mogeleg me må hente fram vaffeljernet igjen på tysdag!

Til julefrokosten: horn med fibramel

Om det er lenge til julefrokosten er dei like gode til kvelds. Eller lunsj. Eller i staden for baguettar eller tilsvarande til middagsmat. 

 Me har nemleg prøvd å ete litt sunnare i haust, og då har eg brukt fibramel til å bake med. Fibramel er mykje enklare å bake med enn til dømes sammalt mel, og resultatet vert heller ikkje så verst.

Oppskrift på horn med fibramel:

• 1 pk gjær
• 6 dl vatn/ekstra lett melk
• litt sukker
• ca 1 ts salt
• 5 ms olje
• 8 dl fibramel
• ca 6-7 dl hvetemel

Pynt: havregryn eller sesamfrø.

1. Bland alt det tørre i ei bakebolle.
2. Bland olje og vatn/melk og varm opp til ein temperatur på ca 37 C
3. Hev deigen til dobbel storleik.
4. Del deigen opp i fire like store emner og kjevl dei ut til ein sirkel med diameter på 30-40 cm
5. Del opp sirkelen som ein grandiosa (det er i alle fall kva eg forklarer elevane mine, då deler dei opp i ca 8 like store deler).
6. Rull saman til horn.
7. Legg på bakepapirkledd plate med spissen ned.
8. Etterhev til dei går sakte tilbake ved eit lett fingeravtrykk.
9. Dusj eller pensle med vatn rett før steiking.
10. Avkjøl på rist for å sleppe ut fuktigheit.

Eg plar fryse mine horn og tine dei i mikroen før servering. Då smakar dei alltid som nybakt.

Enkel sommermat

Veka som var har vore heilt fantastisk her på Vestlandet. 

Strålande sol frå morgon til kveld, akkurat slik me ynskjer å hugsar sommaren 2013!

Her i heimen er me snare med å fyre opp gassgrillen berre det er gløtt av sol bak skyene. Når sola då verkeleg steiker er me derfor ofte litt lei grillmat. Si ingen likar å stå på kjøkkenet inne når det er sol ute er derfor denne superenkle pastasalaten genial. Då foreldra mine var innom på torsdag stod den klar i kjøleskapet kvelden før! 

Oppskrift på enkel pastasalt:

1 boks skinke i bitar (eg brukar rivjern-->lat)

1 pakke sukkererter deles i bitar

1 stor paprika i terningar

1 boks mais

ca 2 finhakka vårløk

1-2 fedd kvitløk etter smak (kan sløyfast)

300 gram kokt pasta (litt hard), avkjøles

1 pakke smårettsbacon steikes og avkjøles

1 tube lettmajones

1 beger rømme

Litt salt/pepper

Bland alt. Begynn med rømme og majones. Ha så i grønnsakene vekselsvis med skinke og pasta og bland godt. Ha bacon over til slutt for fin topping og ekstra god smak. Bruk salt og pepper etter behov.

Ein salat som dei aller fleste likar. Ikkje særleg fancy, men stundom er det enkle det beste! Med mamma sitt gode bakverk smakte det fantastisk! 

Kva plar du servere i sommarvarmen? 

---

I dag går turen til vakre Bømlo der det ventar bryllup i morgon. Det ryktast at det blir servert tapas, noko eg gler meg til! God helg til deg!

Rabarbrapai

Den beste og enklaste paien eg veit, og du skal få oppskrift!

Med oss heim frå besøket i går fekk me nemleg 3 kg rabarbra, og i dag er noko av denne blitt til pai. Ein pai som er rask å lage, og som fint kan erstatta den tradisjonelle kvikklunchmelkesjokoladen denne lørdagen.

Den blir kanskje ikkje den finaste å sjå til estetisk sett si den er utan bunn og med lokk på toppen. Tipset her (og for alle smuldredeigar) er å kjevle deigen mellom plastfolie. Eit lag for å dekkje bakebordet, og eit lag over. Då blir den nesten presentabel. Med litt perlesukker på toppen blir den litt sur og litt søt.

Rabarbrapai 

Smuldredeig:

·         2 dl hvetemel

·         125 gr margarin

·         1 ss sukker

Fyll:

·         500 gr rabarbra

·         2,5 dl sukker

·         2 ss potetmel

Ha i ei rund paiform med 18 cm diameter. I steikeovnen: 225 C midt i ovnen i 25 minutt.

1 porsjon gir ca 8 stykker

1.       Smuldre hvetemel og smør, bland sukker i.
2.       Skyll rabarbraene og skjær dei i stykker à 2 cm.
3.       Bland sukker med potetmel. 
4.       Legg rabarbraene i eit smurt ovnsfast fat.
5.       Dryss sukker med potetmel over rabarbraene.
6.       Rist fatet så sukker og potetmel fordeles mellom rabarbrastykkene.
7.       Fordel smuldredeigen over rabarbraene.
8.       Sett fatet i en forvarma ovn ved 225° i ca 25 min.
9.      Husk at smuldredeig ikkje skal arbeidas for mykje med for då krympar den.

Paien kan serveras lunken med krem, vaniljeis eller vaniljekrem til. Eventuelt kan stikkelsbær, matepler og andre syrlige frukter erstatta rabarbraen i denne oppskrifta. 

Faktisk så serverte me denne då me var oppe i praktisk eksamen i mat og helse på lærarskulen. Då med ekstra god rabarbra frå Færøyane. Det gjekk veldig bra, og paien har vore ein hit her i huset sidan. 

No er her beina høgt! Det tek på å ha sin første feriedag *smil*

---

Ha ei fortsatt god helg! Eg har invitert mine foreldre innom på pai. Det vil seie, om det er meir igjen ;)

Caught in the middle

Hugsar du songen som A1 hadde som heitte "Caught in the middle"?

Eg kjenner meg nemleg litt der. Midt i mellom liksom.

Vinter og vår.

Leilighet utflytting og hus innflytting

Vinterferie og påskeferie

Mandag og søndag

Middag og kvelds

Litt spor av vår frå ein leilighet som ventar på at me skal flytte ut og andre skal flytte inn. Eg ventar ganske mykje eg også, og er vel mildt sagt det ein kan kalla utolmodig. Klar for forandring liksom.

Det fine og freistande måltidet i midten er bygggrynsgraut frå Fjordland som eg så heldig har fått prøva via Buzzador. Passa liksom fint i ein periode med vårtendensar, ymse trening og ymse middagsrutiner. Heile seks pakkar fekk eg på døra frå Buzzador for at eg og vennene mine skulle få smake. Ikkje verst det på ein vanleg kvardag. Sunt er det og!

God helg til deg!!

---------------------

Kunne du tenke deg å prøve ut produkter for Buzzador du også? Register deg her. Oppgir du mitt brukernamn Heidisk når du registerer deg trur eg du tjener fleire poeng (eller noko slikt!)

------------------------

We're "caught in the middle" between moving out of our old appertment and in to our house. In between it's nice to breath in the air of spring. Happy weekend!

Min dag i dag

Bursdag. Kake. Flagg.

Ikkje stort nok stykke til 25 lys.

Men det tek eg ikkje så tungt.

Det er fint å bli 25.

 

Heimelaga krydderkake med deilig sjokoladeglasur. Oppskrift kjem siden.

Ha ein god tirsdag!!

Kom og spis!

Er du som meg og syns at uansett om du har vore ein eller fjorten dagar i utlandet så er det heilt fantastisk å komme heim!? Heim til eigen dusj, dyne og seng! Det er heilt fantastisk, syns eg! Og "norsk" mat! Me har nemleg fått servert gode kjøttkaker av svigerfar i dag! Og sidan regnet me er komen heim til ikkje akkurat tillet serleg mykje form for uteaktivitet har eg laga pizzahorn etter me kom heim. Ikkje akkurat norsk mat det då, men det er godt for det! Eg saknar alltid gjærbakst når eg er på tur!

I morgon dreg me sørover på besøk til bestefar som blir 90 år! Tenkjer pizzahorna blir med som niste på turen! Pizzahorna er laga med god gammaldags Toro pizzafyll, iblanda litt krydder og oppskrifta på ein vanleg pizzabunn (eg har i litt sukker, for å gjere den søtare.. Det er tross alt ferie!) Før eg trillar dei saman har eg på litt ost i lag med pizzafyllet, og så har eg på litt ost på toppen før eg steiker dei! Knallgodt!

I dag har også tankane gått til dei pårørande etter 22.juli. Me har fått med oss litt av minnemarkeringane på tv, og det er med ein klump i halsen eg tenkjer tilbake på den grusomme dagn i fjor. Samstundes er eg stolt over å vere norsk, og sjå korleis nordmenn har takla, og taklar dette grusomme.

Ein herlegdom med rabarbra

Ja, eg byrjar kanskje bli litt bestemoraktig på mine eldre dagar. Det tek på å endeleg vere ferdig utdanna, og endeleg ha tid til å leike husmor. Ikkje at eg trur nokon lir skade av det!

Sist veke var eg oppe til praktisk eksamen i mat og helse på lærarskulen. Då laga me denne herlegheiten, og eg er så stolt over resultatet at eg måtte laga den igjen i ettermiddag. Sjølv den ellers så saltsjuke vidundermannen slukte i seg den rykande paien. 

Ha i ei rund paiform med 18 cm diameter.

I steikeovnen: 225 C midt i omnen i 25 minutt.

1. Smuldre kveitemjøl og smør, bland sukker i.
2. Skyll rabarbrane og skjær dei i stykker à 2 cm.
3. Bland sukker med potetmjøl. 
4. Legg rabarbrane i ei smurt ovnsfast form.
5. Dryss sukker med potetmjøl over rabarbraene.
6. Rist fatet så sukker og potetmjøl fordeles mellom rabarbrastykkene.
7. Fordel smuldredeigen over rabarbrane.
8. Sett fatet i ein forvarma ovn ved 225° i ca 25 min.
9. Husk at smuldredeig skal ikke arbeides mye med for da krymper den.

Server gjerne lunken med vaniljeis til!

Eg er så heldig at eg fekk min rabarba frå ei søt dame med det varmaste hjarta eg veit om. Er du ikkje like heldig som meg kan du enkelt bytte ut rabarba med epler, stikklesbær eller andre syrlege frukter.

Tryllesøndag

Eller bollesøndag.
Sidan me har hatt boller uten krem vart det tryllesøndag.
Me har nemleg hatt tryllebollar.

Foto: Vidunderleg

 Har du ikkje høyrt om trylleboller?

Det er boller med sjokolade inni. 

Som ei lita overrasking. 

Sjokoladen er trylla inn i bollene.

Foto: Vidunderleg

Bollene er best når dei framleis er litt lunkne, slik at sjokoladen framleis er litt flytande. I bollene denne gongen kunne det nok vore enno meir sjokolade, for å gjera dei enno meir søte.

Bollene med krem skal me spare til litt ut i veka. Då er forhåpentlegvis svigermor frisk igjen. Ho lagar dei beste fastelavensbollene. Og så har me ein god grunn til litt vekekos også. Viktig i kvardagen!

Trykker du her kan du også få litt vekekos!

Å nyte

..er eit verb.

Eit fint eit sådan.

I ordboka definerast det som å ha sterk lystfornemmelse og å ha fordel av. 

Ikkje noko negativt altså.

Mandagar er heller ikkje negative.

Ikkje når me tek oss tid til å nyte litt inni mellom.

Foto/Monstasje: Vidunderleg

Viss du vil nyte livet, så nipp langsomt til det.

Engelsk ordtak

Eg vel derfor å nyte små ting. 

Som gode eplescones med ost. 

Og deilig te frå Amundsen. 

Amundsen sponsa bloggarane med te, nærare bestemt Mangote. 

Den var ny for meg, men fall i smak. 

Eg har allereie gitt tilsvarande vidare i innflyttingspresang. 

Eg visste ikkje kva type stil det vordande foreldreparet hadde i nye huset sitt, 

så då vart det noko dei begge kunne nyte godt av. 

For lokalkjente på Haugalandet er Amundsen butikken ein handlar på uansett om det er for å glede seg sjølv, liten eller stor. Amundsen er absolutt ein butikk å nyte!

nyt dagen

Trykk her om du vil ha denne. 

Den skal nytast!

Halvsunn treffmat

Høyrt om prestasjonsangst?

Det er det eg får når eg skal på treff med nesten 20 bloggedamer. 

Og alle er damer som er flinke. 

Flinke med alt det som eg også vil vera flink til. 

På dette bloggtreffet skulle me laga noko godt å ha med oss. 

Ojdå.

Eg lurte voldsomt. Eg lurte lenge. Og eg lurte mykje.

Kva tek ein med seg på eit slikt treff?

Eg tek i alle fall ikkje med meg cupcakes. Bildebeviset her fortel gjerne kvifor.

Valet vart derfor noko som eg omogeleg kunne fått fint, uansett. Nemleg eplescones. Dei er ikkje ei kaloribombe, og dei kan etast både som tilbehør til noko søtt og til noko varmt. Eventuelt kan ein lage dei og ha pålegg på. Eller ost. Som britane, dei drikk te til.

Framgongsmåte:(Eg har skreve den litt om, så den skal vera ypperleg å jobbe med saman med born!)

- Skrell eplet (valgfritt).

- Del eplet i små biter.
(Dersom barn skal jobbe med deigen kan ein kanskje venta med å skrella eplet til etterpå, slik at det ikkje oksiderer så fort!)

- Bruk en sikt til å ha i mel, salt, sukker og bakepulver.

- Smuldre i margarinen.

- Ha i melk og eplebiter. Rør deigen lett sammen. Deigen skal være litt klissete.

- Gjør en av følgende: 

Enten: Del deigen i to. Klapp ut to tjukke runde former. Disse legger du ved siden av hverandre på stekebrettet og deler så i fire (som en rund pizza). 

Eller (Britisk vis): Kjevle eller klem deigen flat på bakedisken. Bruk et litt stort glass eller en kopp med rund åpning til å stikke ut like store emner. Fordel pået bakepapir på stekeplaten.

- Prikk over med gaffel.

Stek ved 200 C grader i ca 20-25 minutt. 

(Denne oppskrifta held til ca. 12 britiske scones)

Håpar det smakar!

P.S: Giweaway hos dei søte jentene i Snikkerbuo som eg traff på bloggtreffet.

Søtingar

..på serveringsfatet..!

 Eg har lært at dersom maten ser fargerik ut er den også meir freistande. Derfor er det lurt å ha fleire typar grønsaker slik at maten ser meir innbydande ut. 

Etter mykje inspirasjon frå diverse bakebloggar skulle eg prøve ut eit nytt prosjekt med eit nytt reiskap frå bryllupet. Middagslaging er eg ikkje så god til, så det måtte derfor bli muffinsane som skulle gjerast freistande. Gjester var venta på kvelden, og me sette i gong dekoreringa med liv og lyst: 

Eg veit ikkje eingong om eg kan kalla det eit bra førstegongsforsøk.. Og det er ikkje kreativiteten eller manglande reiskaper det står på.. 

Dei var i det minste gode..!

(og me fekk oss ein god latter etterpå!)

I like 

Mathjørna

  I desse eksamenstider er eg stort sett ein heftig bloggentusiast.
Ikkje berre trålar eg opp og ned andre sine bloggar på nettet, men eg oppdaterer også flittig min eigen!

Min trofaste firbeinte venn har dei siste dagar vore litt snurt for at han ikkje får vera med på denne aktiviteten. Han må jo tross alt vera støtten min gjennom alle pensumbøkene, så no ville han gjerna få visa fram sin stolthet:

Her i huset har det nemleg lenge vore ein trend med skåler frå Bruka design, og for ikkje lenge sidan fekk også Samson ta del i denne motebølga. Med matskål frå Bruka design og matboks frå Kremmerhuset ser mathjørna med eitt mykje meir innbydande ut!

Samson likes!

Mors neste ønskepunkt frå Bruka design er desse fine postkassane. 

Den kan jo vera eit symbol på navneskifte ved inngåing av ekteskapet kanskje!?

Alltid godt med ein unskyldning, for desse er megafine!

I like!

aldri så gale

 at det ikkje er god for noko.

Sår i halsen = ein gyllen anledning til å breska seg med finaste tekoppen.

Finaste tekoppen som for inntil to veker sidan fungerte som blomsterpotte (blomster har det kun godt estetisk hos meg, diverre er ikkje dette nok for å overleva. Sjølv for blomster).

Ein dæsj svart te.

Ein dæsj ekte lynghonning.

Ein dæsj frisk Heidi til i morgon.

 Og forhåpentlegvis,

ein dæsj ferdig heimeeksamen.

Serleg godt smakar jo teen med ei vakker tesil med krystall på toppen.

I love.

Medan eg syns synd på meg sjølv så tillater eg meg å surfa litt i bloggosfæren. Då finn eg alltid så mange kjekke bloggar at det som oftast tek lang tid å komma tilbake til opprinneleg aktivitet (nemleg heimeeksamen). I kveld kom eg innom denne bloggen
(som attpåtil skal gi bort ei flott vimpelrekke!).

Vil ha!

å leva livet

betyr at me må bli flinkare til å gå på cafè!

 På denne, kan hende!? Nye hit-plassen i Haraldsgatå, rett bortanfor Mani.

 Deilig kaffi.

 Og herleg salat til lunsj.

Servert med eit (fantastisk) godt brød til.

Takk til svigermor for maten!

Eg har heimeeksamen denne veka, og blir gjerne med fleire på cafè!