Viser innlegg med etiketten advent. Vis alle innlegg
Viser innlegg med etiketten advent. Vis alle innlegg

fredag 13. desember 2013

#germanstar

Eg er bitt av basillen, i år som i fjor.
Eg bretter, og bretter.
Og huset består snart av berre stjerner.
På soverommet.
På kjøkkenet.
I stova.
Og over alt.
--
Har du enno ikkje latt deg rive med, eller har du vanskar med å få det til så anbefaler eg YouTube eller min gode kollega Mariefriis sin framgongsmåte. Søk på German star. 

torsdag 5. desember 2013

Desembertendenser




Desembertendensane er tydelege i heimen. Den raude fargen høyrer til på denne tida. Den gir energi etter ein lang haust med mørkt og kaldt og elles lite fargar. 

søndag 1. desember 2013

Heimelaga adventsstake i kobber

Ein snill hubby.
 Nokre kobbardeler.
 Første søndag i advent.
 Fire lys.
Og årets adventsstake er født.
---
Så tenner vi et lys i kveld vi tenner det for glede. 
Det står og skinner for seg selv og oss som er tilstede. 
Så tenner vi et lys i kveld, vi tenner det for glede.

mandag 25. november 2013

Adventskalender / Pakkekalender

Dette er i bunn og grunn eit skryteinnlegg til hubby. Tenk kor grei han er som har kjøpt inn heile 12 småpakkar som eg skal få opne i desember. Til gjengjeld får han sjølvsagt 12 tilbake.
 Eg har vore heime hjå foreldra mine og sagt ned ei bjørk. Den vart litt mindre enn først tenkt si eg skulle ha den inn i Mini'en på¨veg heim, men det vart ganske greit likevel.
Dessverre for hubby så er han ikkje så flink til å pakke inn gåver med sirleg hand. Gåvene frå han ligg derfor i korga, og gåvene til han heng på treet. Det vart uansett litt fullt med 24 pakkar hengandes på ein gong.
-- 
Lurer du på kalenderreglane? Kvar pakke kan ikkje koste meir enn 30 kroner. Det er lov å kjøpe mindre ein dag og meir ein anna dag. Gåver som vert ekstra verdsatt er gåver som inneberer å bruke tid i lag: slik som heimelaga middag med oppvask, 1/2 times masasje eller golvvask. Då har me noko å gle oss til og over heilt fram til jul.

lørdag 23. november 2013

Til julefrokosten: horn med fibramel

Om det er lenge til julefrokosten er dei like gode til kvelds. Eller lunsj. Eller i staden for baguettar eller tilsvarande til middagsmat. 
 Me har nemleg prøvd å ete litt sunnare i haust, og då har eg brukt fibramel til å bake med. Fibramel er mykje enklare å bake med enn til dømes sammalt mel, og resultatet vert heller ikkje så verst.
Oppskrift på horn med fibramel:
  • 1 pk gjær
  • 6 dl vatn/ekstra lett melk
  • litt sukker
  • ca 1 ts salt
  • 5 ms olje
  • 8 dl fibramel
  • ca 6-7 dl hvetemel


Pynt: havregryn eller sesamfrø.
  1. Bland alt det tørre i ei bakebolle.
  2. Bland olje og vatn/melk og varm opp til ein temperatur på ca 37 C
  3. Hev deigen til dobbel storleik.
  4. Del deigen opp i fire like store emner og kjevl dei ut til ein sirkel med diameter på 30-40 cm
  5. Del opp sirkelen som ein grandiosa (det er i alle fall kva eg forklarer elevane mine, då deler dei opp i ca 8 like store deler).
  6. Rull saman til horn.
  7. Legg på bakepapirkledd plate med spissen ned.
  8. Etterhev til dei går sakte tilbake ved eit lett fingeravtrykk.
  9. Dusj eller pensle med vatn rett før steiking.
  10. Avkjøl på rist for å sleppe ut fuktigheit.


Eg plar fryse mine horn og tine dei i mikroen før servering. Då smakar dei alltid som nybakt.

mandag 18. november 2013

Forsmak på jul

Om kvardagen elles er travel og hektisk er det godt å komme heim til små detaljar som vitnar om at den fin juletida snart er over oss.
 Natur. Lin og grønne planter er i fokus.
 Hygge. Noko me må prioritere. Noko eg må prioritere å sette pris på. Viktig. Spesielt i ein hektisk kvardag.
Ei grein som har stått inntil veggen hamna på bordet. Ingen har rydda, og der er den blitt verande. 
--
Tek du deg tid til hygge?