Ny stol

Fekk du med deg denne stolen som eg trudde eg hadde gøymt godt nok til at mannen ikkje skulle sjå den? Vel, no er den her i sin nye drakt!

Eg tenkjer at monge gonger er det godt at optimismen overgår den realistiske sansen. Eg har på ingen måte noko forutsetning for å få noko slikt til, anna enn at eg er sta og veit korleis eg vil det skal sjå ut til slutt. Manglande forkunnskaper var vel ein medverkande årsak til at det tok meg ei heil helg, men det er det alltid verdt når resultatet kjem *smil*

 Undervegs hadde eg god tilskuarhjelp i mannen. Eg undrast på om han enno er fascinert over tolmodet eg fann fram då stolen skulle stiftast nytt trekk på. Det var nemleg krevjande for hovud og sjel! Når eg no ser det ferdige produktet meinar eg å påstå at det ikkje vart så verst!

(litt skeivt her og der og nokre krøllar, men det er vel litt av sjarmen?)

Fargen måtte jo bli favoritten: blå. Stoffet kom for lenge sidan frå Stoff og stil. Til alt hell og lukke er det faktisk så nært det kan komma på den allereie eksisterande puta som har fått sommarresidens i sofaen. For ikkje å snakke om dei finaste Tine K putene eg ønsker meg i samme farge. Det kan sjå ut som eg må lage sistnemde sjølv. *smil*

--

Du ser kanskje regnet på rutene, og slik har det veksla heile helga. Heldigvis har det vore litt opphold og tid til å vere ute også. Eg fann faktisk ut i går at hadde det ikkje vore regn så hadde ei heller huset blitt vaska og stolen blitt teke bilete av *knis*

Ha ein god søndag! Har skal hubby på kamp og eg på konsert. 

På slang til mormorkopp

I dag er fridag. 

Fridag betyr lengre morgontur med hunden. 

Morgontur på ein fridag betyr eigentleg rundt lunsjtider.

 Dagens morgontur bragte med seg eit pit-stop hos naboen for ein kaffitår og litt livsnyting. 

På veg heim i frå naboen viste det seg at naboen hadde ein nabo med kvitveis i hekken sin.

 Erfaren dame på blomsterslang som eg er så kikka eg raskt rundt meg før eg tilfeldigvis raska med meg nokre knoppar heim. Den fine mormorkoppen har venta på dette augneblinket lenge.

 Mormorkoppen er ein av tre som har komme i hus. Dei er sjølvsagt kjøpt brukt, og no er me (eg) på jakt etter fleire.

Mormorkoppen er så fin og ven at den har fått stå framme til pynt på kjøkkenet i all si levetid hos oss. Den vart sjølvsagt svært så glad når den også fekk innpass i stova som blomstervase.

Kvitveisen gjer seg så godt i mormorkoppen (mormor har slike koppar, derav namnet) at eg klarer ikkje ha dårleg samvit for at eg kanskje ikkje spurte om lov før eg forsynte meg. Derimot har eg bestemt meg for at eit av sommarens hageprosjekt må vere å plante denne vakre blomsten. Går det an mon tru?

---

Helga her skal brukast til å byggje terrasse og lese til eksamen. Forhåpentlegvis får me gjort litt også! 

Lag deg ei god helg du også! 

(denne fruen har nemleg vore på kurs og lært nye uttrykk!)

Nyttgammalt hus, nygammal stove

Ja, for huset er jo nytt for oss, sjølv om det ikkje akkurat er har vore ferskt sidan tidleg 60-tall!

Og medan me er inne på det: eigen leikehytte i hagen!

..eller skrivestove, som eg gjerne vil framstille det som..

Gledeshylet mitt over å endeleg vinna noko i lotteriet på jobb før ferien min var nok litt stakkarsleg for dei som måtte minne meg på at: "det er berre ein blomst, altså". 

Vinnaren sjølv er framleis like glad, for utanom tulipanane som overraskande vart levert på døra er dei det einaste som har villa overleva i det nygamle huset vårt.

Frykten for strykejern og vindusvask har blitt med på flyttelasset, derfor blir du her presentert for skrukkete putetrekk og skitne vindu. 

Mamma blir nok flau. 

Ho veit nemleg at eg er oppdratt betre. 

Eg tenkjer at me kan ikkje gjere alt første veka. 

Foreløbig vil eg berre nyte den nygamle stova mi!

*fin onsdag til deg*

--

I morgon (om eg er heldig) kjem oppskrift på nabolagets mest sjarmerande bord. Etter ønske frå fleire har eg i kveld teikna (!) bruksanvisning. 

Før/etter: leiligheten rom for rom

Eg syns det er litt kos å sjå korleis ulike personar med ulik smak får fram ulike uttrykk i samme heimen. Leiligheten me no har solgt har me ikkje gjort mykje med. Det var heller ikkje meiningen då me kjøpte. Studier, tid og økonomi var årsaken til me valde ein leilighet der me slapp å gjere dei heilt store endringane. Noko ser eg likevel det har blitt. Vil du sjå?

 Kjøkkenet er i ok stand og ser greit ut. Einaste endringen her er tavlemaling over kjøkkenbenken. Nok eit prosjekt som tok form rett før eksamen medan mannen var på jobbreis. Knis. 

 "Spisedelen" av kjøkkenet har ikkje blitt brukt til bespisning av oss. Valde å plassere kjøleskapet i hjørnet for å få meir luft. Litt mindre kjøleskap (og eit par år eldre, ikkje akkurat smeg) har me også i forhold til forrige eigar.

 Spisestova er rett innenfor kjøkkenet. I det nye huset vil me få open løysning, det gler eg meg enormt til! Spisestova har faktisk pleid å bytte plass med apotekerdisken alt etter om det er sommer eller vinter. Ommøblering er også noko som helst skjer medan mannen er ute av heimen.

  (Då får eg det som eg vil sjølv!)

Stova har me malt kvit. Samme med kjøkkenet. Gjort på ei helg, sjølv om det tok litt tid før me satte i gong. Tapeten er den samme. Me ville ikkje bruke tid og pengar på å bytte ut til ein tapet me likte i tilfelle neste eigar ikkje likte den, så me lot den stå. Ellers er hyllene dei same som stod igjen etter dei me kjøpte av. Me har også valt å plassere sofaen litt annleis (og meir praktisk).

Sist, men ikkje minst: soverommet. Eg klarer aldri å lage senga slik den ser ut i fine blader og på hotell!!  Har sukka og stønna over visningsannonser tidlegare der dei ikkje har sengeteppe, men så kunne eg ikkje bruke sengeteppet sjølv! Den turkise fargen passa liksom ikkje inn! 

Soverommet er også malt i lysare fargar, som har gjort underverker for sovehjarta mitt om morgonen! Ser ut til at eg må fram med malerkosten i nytt hus også! Dette rommet, og kjøkkenet, er forøvrig det einaste rommet med gardiner. Mon tru om ny eigar er enig i det valet!?

Eg må innrømme eg syns det har vore litt rart å ha heimen min ute for salg på finn. Open for at alle kan uttrykkje sine meiningar om korleis me har det liksom. Not cool. Og det kjem frå ei som finn glede av å vise fram heimen sin via sosiale medier. Eg er visst ikkje skrudd saman heilt rett. Fnis. 

Ha ein god kveld vidare!

---

This is my home. How it was when we bought it and how it looks like now. I like to see how much a bit paint and some white can do to a home. Different people, different styles. Change is good!

Ny tvbenk

Sidan me flytta inn i leiligheten har me ikkje kjøpt nye møblar. Me har enten laga dei sjølv, eller kjøpt dei brukt. Flottheten under fekk eg til ein 200 lapp for halvanna år sidan og den har stått på kjøkkenet sidan då.

 Den tidlegare tvbenken er ikkje så gammal den heller. Den skal berre få seg ein oppshining. Tapeten i bakgrunnen burde fått seg ein oppshining, men det får bli til neste eigar..!

Krumkakene på bordet er siste rest frå sist jul. 

Håpar på påfyll i år igjen. 

Det er liksom meg og Asbjørn Brekke!

DIY: Stokken

Når ein har litt over middels fascinasjon for fine ting så ender ein ofte opp med fine ting som ein ikkje heilt veit kor ein skal gjera av. Stokken under er eit slikt eksempel.

Den vart henta inn og opp i båten i slutten av sommaren for no snart to år sidan.

Si den tid har stokken fått tjena mange hensikter i heimen, både som dekor og som meir eller mindre praktiske prosjekt. No har den altså endt opp i taket.

Det ideelle ville gjerne vore ei fin grein, men det får bli seinare.

Enn så lenge har stokken fått seg eit fint bruksområde.

(og eg slepp å vera redd for at "nokon" tilfeldigvis fyrer i ovnen med den..)

Forandring fryder:

- ein stokk/pinne

- hyssing eller fiskesen (eg brukte hyssing for eg hadde ikkje god nok sen)

- to skruar med "hull" i

Med ein handymann som min går dette fort!