#germanstar

Eg er bitt av basillen, i år som i fjor.

Eg bretter, og bretter.

Og huset består snart av berre stjerner.

På soverommet.

På kjøkkenet.

I stova.

Og over alt.

--

Har du enno ikkje latt deg rive med, eller har du vanskar med å få det til så anbefaler eg YouTube eller min gode kollega Mariefriis sin framgongsmåte. Søk på German star. 

"Nytt" kjøkken med hvitoljet benkeplate

Når eg har det som travlast, då er eg også mest kreativ. For ikkje å snakke om effektiv.

 November månad var akkurat slik: eg hadde ikkje nok timar i døgnet til å få gjort det eg burde, likevel sette eg i gong prosjekt benkeplate i det nygamle huset vårt.

 Prosjekt benkekeplate skulle vise seg å vere både tidkrevjande og slitsomt, men sjå kor fint resultatet vart. Framgongsmåten var også enkel (for eit gulna utgangspunkt som vårt):

1. Puss ned benkeplata. Først grovt sandpapir (eg måtte ha 80, men det anbefalast ikkje meir enn 100)
2. Puss ned enno litt meir når du trur du er ferdig
3. Få vekk alt støv
4. Bruk kvitolje frå malerbutikk som er beregna til benkeplater (har med hygiene/mat å gjere)
5. Olje 3-4 strøk, men la det tørke i mellom, og jevn godt ut mellom kvart strøk. Overfladisk olje skal bort!
6. La tørke i minst 24 timar

Frå gul-gult til nesten gråleg resultat. 

IKEA-krakkane har også fått seg eit strøk kvitmaling. Rart kva ein finn tid til.

Og til slutt: dagens julegavetips frå meg: Produktene fra Jamie Oliver; fås kjøpt hos Kremmerhuset eller Amundsen spesial.

--

Ha ein framleis strålande 10.desember!

Julegaveinnpakning

År etter år tenkjer eg at jula skal bli kvit og rein og fin, likevel kjem eg ikkje utanom den friske raudtonen denne jula heller. Det same gjeld på pakkane.

Med mitt tolmod kan eg ikkje setje i gong med noko scrappe-prosess ved gåveinnpakkningen. Det bør helst gå litt fort.

I år vart derfor løysninga å bruke gåvepapir over gråpapiret, svart hyssing med ein liten kvast kristorn frå hagen. Gråpapiret kan tidvis bli gjennomsiktig, så eg vart igrunn nøgd med valet.

Det eg likte best sjølv med utforminga var at den er enkel å variere med andre typar pair, men det vil likevel passe saman.

Eg må berre passe på at dei freistande raude bæra ikkje kjem i nærheten av munnen til små småtroll. 

--

Legg gjerne igjen link i kommentarfeltet om du har komme på noko raskt og dekorativt på gavefronten. Eg lar meg gjerne inspirere!

--
Julegåveinnpakningen i fjor var litt meir avansert. Den ser du her!

Vinnarinstinkt: Gjøkur

Å vinna i konkurransar har aldri heilt vore mi greie. Etter kvart har det liksom blitt til at eg skjermar meg sjølv for skuffelsen av å ikkje vinne ved at eg rett og slett ikkje deltar. Skulle eg først finne på å delta er det med liv og lyst og engasjement.

Dette gjeld sjølvsagt også loddkonkurransar og andre ting der det er ein premie som nokon kan vinne. Eg kan til dømes ikkje tippe i lotto, for eg kan ikkje øydeleggje helga mi av å ikkje vinne. 

Altså er eg også ein litt dårleg tapar.

(Sjølvinnsikt..?)

Gleda var derfor stor. Eg vil kanskje kalle ho enorm, då eg vann i lotteriet på jobb. 

Lotteriet skulle vere på morsomt. Ein kunne velge å vinne ulike ting, eller bytte denne i ein anna premie. Den andre premien var då noko som var leskande for ganen. Ein etter ein valde dei bort det fine gjøkuret, og til slutt var det ikkje fleire vinnarar som kunne velje. Vinnaren som vann gjøkuret ville derfor lodde det ut på ny. 

For å gjere ei lang historie kort: gjøkuret vart mitt. Det har fått komme opp på ein ledig spiker i stova. Gjøken sjølv har gøymt seg i huset sitt, den skal få komme ut når eg har funne ut korleis ein kan trekkje uret opp. Det gjer seg godt som dekor også, og minnar meg om at eg har vunne noko eg også. Eg undrar meg på om eg bør byrja spele lotto igjen!?

Friday DIY: uro av pepperkakeformer

Ein fredag DIY (Do it yourself) på ein lørdag.

Eit teikn på ein hektisk kvardag.

Julepynt kjem opp litt etter litt, samstundes med julestemninga som kjem snikande. 

 Heimelaga uro av pinner og pepperkakeformer.

 Dekorativt og enkelt.

To pinnar i kryss. 

Vart med heim etter ein luftetur med Samson.

 Fine stjerneformer. 

Festa med hyssing.

Hengt opp ved inngongspartiet. 

Reflekterande lys i metallformene.

----

God helg til deg som er innom!

Jul i vår leilighet

Vel, ikkje all verdens jul enno, men adventstake og sviblar har komme fram. 

Ei stjerne frå Tine K har fått hedersplass på veggen. Eg hadde sjølvsagt planar om å lage den sjølv, men  så vart det så mykje lettare å kjøpe den ferdig. Det er igrunn tre stjerner i ei, så om eg ynskjer forandring kan eg ta dei frå kvarandre. Fjordårets stjerne er litt mindre, den laga eg slik.

 Juletreet eg laga tidlegare er eg framleis supernøgd med. 

For framgongsmåte, sjå her.

 Årets juleblomst er svibel. Syns det er festlig å plassere dei rundt om, og for ei utan grøne fingrer og med lite tid er desse perfekte. Dei første sviblane i Arne Jacobsen koppane har allereie byrja blomstre. Gøy!

Kvifor ikkje pynte med pepperkakeformer? Har kjøpt inn pepperkakedeig, men førebels har det ikkje vore rom for å baka den ut. Stjerneformene gjer seg fint til dekorasjon i mellomtida. 

Papirbrettestjerna er einaste fargeklatten om dagen. Eg er i stjernebrettingsmodus etter at eg endeleg knakk koden (med god hjelp frå mariefriis!)

Vil du sjå fleire jule(te)innlegg? NIB har utfordring om å vise Jul i vårt hus. Eg deltar med dette (litt lite) julete innlegget.

Haust i vinduet

Villa Wegner har ein kokurranse om å vise sitt vindu. Eg har nøyaktig to vindu i leiliheten med karm, så det vart ganske naturleg å vise mitt kjøkkenvindu. Ein blanding av haust i vinduet og eit håp om meir sommar ute på terrassen.

Husfred i "blomsterpotte" frå Wiik og Walsøe.

Lyng i fine Mugtail krus.

To rekfjøler som eg ikkje veit heilt kor eg skal plassere.

Finfint mjølkespann på terrassen.

Kaninkoppen er nyaste koppetilskudd. Eg ønska meg den til bursdagen, og fekk det!

Den nyplukka lyngen luktar betre enn nyvaska golv! Ikkje verst!

No tek eg helg. Vel fortent, om eg skal sei det sjølv! Ein blir trøytt av å begynne i ny jobb. Fredagskvelden skal derfor brukast til å leggje beina høgt!

God fredag til deg som ser innom!

feriestein og rust

stein frå ei strand på rhodos

(er det lov å ha med seg slike heim i bagasjen?)

og litt rusta lanterner som har måtte tåle litt for mykje vestlandsommar.

Her ventar nokre timar på jobb. Eg har framleis eit lite håp om at det skal vere litt sol igjen til meg på terrassen når eg kjem heim. Kjenner det er lenge sidan gassgrillen har fått svingt seg (fyrt seg?)

Ha ein god 1. august!

Heimalaga solcellelampe- i mørket

Eg deler nokre horrible og mørke bileter, fordi eg er så nøgd. Eg er berre nødt til å vise kor bra det vart etter eg laga mine eigne solcelle lykter her. 

Kvaliteten på bileta er sjølvsagt elendig, fordi eg er så lat at eg tok bileta ut vindauget. Uff, og fy! Om du klarer å sjå forbi den grusomme kvaliteten klarer du kanskje å forestille deg kor koseleg det er på terrassen om kveldane når sola går ned. For første gong sidan me flytta her er eg glad for vegen som går forbi ovanfor terrassen, for no kan alle som kikkar ned sjå dei fine lyktene som skin så fint, slik eg plar gjere hos andre som har det fint utvendig!

Ha ein framleis fin onsdag, og nyt at me endeleg har fått litt sol og varme igjen!! 

(Det har me i alle fall her i vest!)

Konfirmasjon

  For litt sidan skreiv eg om at eg trena meg på origamibretting av båtar. I helga fekk eg synt fram resultatet i konfirmasjonen til min ti år yngre bror. Med to eldre systre er det lett å vere konfirmant, og det er lett for at det gjennom åra også har blitt sydd litt puter under armane på litleguten.

 I helga fekk han vist seg fram i finstasen sin, sjølvsagt pynta med blått slips. Serviettane hadde eg bretta som båtar, i og med at konfirmanten er like ivrig til vanns som til lands. Fine hortensiar (systera sin yndlingsblomst) stod til blåfargen på serviettane, og storesyster heldt tale om symbolbetydningen til blå: påliteleg, standhaftig, storsinn og hav. Alle er fine ord, ord som også skildrar konfirmanten.

 Om du ser nøye etter ser du havet ut glaset på biletet over. Me hadde nemleg dekka bord på rorbua, og sjølv om det vart trongt var det deilig å sitje og sjå rett ut på sjøen. Mor hadde handla inn lys med seilbåtar på (heilt på eigenhand) som stod til den blå fargen i blomstene, på slipset og på sjøen.

I ein gutekonfirmasjon skal det helst ikkje vere for feminint, noko det lett kan bli når kvinnfolka tek styringen. Bordkort, som eigentleg skulle vere papir bretta som båtar (slik eg såg for meg her) vart i staden kvite steinar med dymo på. Langs bordet strødde me fine steinar, plukka på stranda.

Alt i alt ei finfin feiring for store og små, sjølv om det tek på å feire yngstemann!

Gratulerer med overstått dag, litlebror!

løk på eit fat

kan jo vere fint!

Eg var igrunn ganske glad for dette stettefatet, for slikt har eg ønska meg. Fin til å ha løken på, eller å servere småkaker på.

Eg fant det på ein av mine mange turar på søstrene grene. Du verden så mykje eg har handla der i det siste, og hjelpe meg kor glad eg er i den butikken. Fat til ein slikk og ingenting. Og det stod til og med på ynskjelista! Hurraaa!!!

Er det vits i

å kjøpe ei skål 

berre for å ha vispane til melkesteamaren til kaffimaskinen i?

Ja. 

Det syns eg. 

Serleg når den ser ut som den er designa til den høgt elska Nespressomaskinen.

TineK in my heart. And in my kitchen. 

Geometrisk

Kvadrat. 
Rektangel. 
Sirkel. 
Punkt. 
Linje. 
Trekant. 
Kurve. 
Parallelle linjer. 
Symmetri. 
Balanse. 

Eg likar det grafiske samspelet. Og er nok enno inni ei boble av svart/kvitt. Den tek nok heller ikkje slutt med det første. Koppar frå Søstrene Grene. Til 19.95 per stykk. Dei måtte eg ha i koppesamlinga. Så har eg nokon å velje i når eg er i mitt mest ekstreme "alt må vere symmetrisk"-hjørne.

Framleis god søndag til deg!

Serviettbåtar

det var så rett, så rett! 

Båtar er tema frå gårsdagens origamibretting!

Heilt utruleg kor mange variantar som kjem opp når ein søkjer etter "origami+ boats".

Eg kjende berre til standarden frå før, og det var vel også denne eg var ute etter å lære meg.

Varianten til høgre i biletet er om mogeleg enno lettare enn standarden til venstre. Her har eg prøvd bretting med serviettar. Litt meir ustø enn med papir, men kanskje ein ny idè til neste borddekking!?

God fredag!

Origami

Her i heimen er det ein ny syssel på kveldstid:

papirbretting, også kalla origami.

Det er faktisk ganske kjekt.

Inspirasjon og vegleiing ligg gratis og lett tilgjengeleg på youtube.

Eg hugsar me syns det var skikkeleg kult då me var yngre å komme i selskap der me fekk utlevert papirhattar. Eller enno betre: få vere med å brette våre eigne!

Denne varianten har eg pimpa opp. Den skulle egentleg vore blå. Rødt går fint det og. Rød hjertetape frå Søstrene Grene kan brukast til så mangt!

Ser du eit tema som går igjen?

Urørt og kjole

Se min kjole, 

den er blå som havet!

Alt hva jeg eier,

det er blått som den.

 Fin? Sjølv er eg svært fornøgd. Den er ny. I dag! Eg syns det er så vanskeleg å handle kjolar! Som oftast kjøper eg først sko, og så skal eg finne kjole som passar til skoene. Ikkje like lett.

Kjolen skal tas i bruk om ein månad, for då skal me i bryllup! Samson skal ikkje vere med i bryllup, men han, som meg er svært glad i blått. Kanskje fordi det også er den einaste fargen han kler.. Derfor måtte han få seg nytt skjerf frå Søstrene Grene i dag. Blått med stjerner på. Det kledde han!

Eg har styla både hund og skap i dag. I eit forsøk på å ta eit bra interiørbilete. For bloggarar er NIB ein kjekk blogg å besøke, og dei utfordrar i desse dagar urørte bloggarar til å vise sitt beste interiørbilete. Eg tør påstå at mitt beste interiørbilete ikkje er teke enno. Likevel dristar eg meg til å delta med følgjande bilete:

Foto: Vidunderleg

Då eg først byrja blogge var det ein skikkeleg kvardagsblogg. I November i fjor skifta eg namn og byrja blogge litt mindre personleg og litt meir om dei fine tinga eg omgir meg med. Sidan då ser eg at 70 følgjarar har lagt seg til. Det er stas syns eg! Om du er med å sprer ordet lover eg ein godbit ved 100 følgjarar!

Skapet kan du lese meir om her. Kufferten til Samson er kjøpt brukt. For stylinga la eg eit kjøkenhandkle frå Søstrene grene oppå det brune pleddet han har til vanleg. Kjolen kjøpte eg på Sorbet på Markedet i Haugesund sentrum. Pariskassen kan du lese om her og Falbykoppane her.

DYI: Blomsterpotte

Ikkje alle innkjøp er like gjennomtenkte.

Eg opplever det stadig vekk. Fine ting må jo få vere med heim.

Dette var også tilfelle då eg kom heim med ein bunt med tråd frå Kremmerhuset.

Eg likte jo fargen så godt..

Løysninga kom i form av ei gammal blomsterpotte og ein limpistol. At eg som førsteårsstudent med nystarta blogg kjøpte limpistol til 99,- på Clas Olson har eg ikkje angra på! Eg surra og limte om ein annan, og vips så var tråden blitt ei ny blomsterpotte.

No manglar berre ny blomst i potta. Den gule blomsten var opprinneleg påskeblomsten min. Blomstrane hos os har ein tendens til å ikkje leva serleg lenge, så eg satsar på å fylle surrepotta mi med frisk lavendel om ikkje så lenge..!

God helg!

Nabolys

I går kveld kom eg køyrande heim åleine.

Det var så seint at det var blitt mørkt, 

og sjølvsagt regna det ute.

Typisk haustvêr i grunn.

Då eg parkerte inn mot terrassen til heimen min og kikka inn glaset til stova mi såg eg noko underleg. Det var tende lys som stod og skein i mot meg. At det er levande lys i vidunderheimen er ikkje noko underleg, men at dei er tende utan at eg er heime. Det er underleg det.

Foto: Vidunderleg

Då eg måtte låse meg inn kom eg plutseleg på at vidundermannen var på trening. Og at det utanom lys frå vitrineskapet eigentleg hadde sett relativt mørkt ut inne hos meg. 

(Før eg kom til denne oppdaginga hadde eg sjølvsagt komt så langt i hovudet mitt om at kanskje vidundermannen hadde diska opp med ein romantisk aften til eg kom heim..)

Hunden kjem i mot meg i deg eg kjem inn døra og me går saman inn i stova. 

Joda, eg hadde rett, levande lys skein i mot meg. 

Foto: Vidunderleg

Det eg i dette øyeblikket kom på, var jo sjølvsagt handleturen på mandag. 

Då eg skulle kjøpe presang til ein nyfødt gut hos Claire Kids kom eg over nokre fine vaniljelys. 

Ja, for det var dufta som kom i mot meg då eg opna døra. 

Vaniljeduft frå flammeløse lys. 

Lys som skrur seg av og på etter ein timer innebygd i lyset. 

Det vil seie at kvar kveld frå klokka seks til 11 kan naboane kosa seg med levande lys i heimen min, om eg er heime eller ei. Genialt, syns eg!

Når eg tenkjer tilbake på då me var yngre måtte me alltid ha ei lyskjelde i rommet me skulle sove i. Eit lys som ikkje var så sterkt. Når eg får meg born veit eg kva type lyskjelde dei skal få på rommet sitt. Det er jo like viktig at den er dekorativ!

Haustvêr ute.

Hyggekos inne.

Og stemning for naboane sjølv om me ikkje er heime.

Ha ein fin torsdag!

Og du, ikkje gløym at du kan gjere nokon glad her, og du kan få denne!