Bloggteknisk: Få knapper til bloggen

Då eg var heilt ferskis i bloggverda lot eg meg fascinere av alle som hadde knappar på sida si som linka til diverse rom i huset. Etter ei stund fann eg ut at det er jo faktisk ikkje hokus pokus, og det klarer både du og eg! Einaste det er avhengig av er at du legg til etiketter på innlegga dine: eks stove, kjøkken, bloggteknisk, diy osv.

 1) Gå inn på Utforming --> Legg til gadget --> Bilde

2) Last opp eit bilete frå datamaskinen din
(eg har berre skreve tekst i Photoscape og lagra det som eit bilete)

3) Under innlegga kjem etikettane du har merka innlegget med opp.
Trykk på etiketten du vil linke til, eks: bloggteknisk.

4) Kopier linken frå sida som viser alle innlegg merka med etiketten (i mitt døme: bloggteknisk)

5) Lagre biletet og plasser det i sidefanen der du vil ha det.
No fungerer det som ein link, og alle innlegg du merker med same etikett seinare vil komme opp her!

Lykke til!

---

For fleire bloggtekniske innlegg, sjå her!

Bloggteknisk: få store bilete utan å bruke opp all plass

Etter at eg byrja blogge har eg lært mykje. Eg har og blitt meir kresen og selektiv på kva eg viser fram. Ein av dei er bileta mine. Før publiserte eg gjerne mange små bilete, no kanskje nokre få store.

Eg har også lært eit par ting:

* dersom ein lastar opp bileta rett frå kamera tek desse stor plass.
Til slutt blir plassen i blogger brukt opp, og ein må betale for meir plass

* dersom ein på førehand vel kor store bileta skal vere,
så kan ein få bileta heilt ut i sidekanten på bloggen.

Eg skal vise korleis du enkelt gjer det i PhotoScape:

1) Opne biletet i PhotoScape --> Rediger

2) Velg: Ny størrelse

3) I ruta som kjem opp velger du kor mange pixlar biletet skal vere. Min blogg tåler opp til 650 pixlar. I alle NIB utfordringar ynskjer dei bilete på meir enn 600 pixlar. Det er lurt å huke av: Behold størrelseforhold om du ynskjer same proporsjonar i biletet som du har.

4) I innleggsvindauget i Blogger, sett inn biletet på vanleg måte

5) Marker biletet slik at det blir blått --> velg Opprinnelig størrelse

Brukar du denne framgongsmåten unngår du å bruke for mykje plass i Blogger, og du slepp då å kjøpe meir plass. Samstundes vil bloggen din ta mindre tid å laste ned i nettlesaren. Ein annan positiv ting er at denne måten viser bileta større enn om du huker av for Ekstra stor (eg er fan av store bilete!).

Lykke til!

---

Dersom du vil sjå fleire bloggtekniske innlegg, trykk her!

Bloggtips: Instgramwigdet

Til og med mamma og pappa er på instagram. Stundom verkar det som om instagram er større enn facebook. Facebook er ut. Instagram er in.

Eg for min del brukar instagram som ein slags miniblogg. Instagram er gøy!

Tips til deg som er blogg er eigen instagramwidget som du får laga automatisk hos snapwigdet. Min ser du i sidemenyen -->

1. Legg inn brukarnamn
2. Velg utforming
3. Lim inn html koden du får slik: Utforming - Legg til gadget - HTML/Java script
4. Lagre endringer

(Merk: gjelder blogspot brukerar)

----

Takk for du kom innom! 

God helg!

Bloggtips: Facebook, instagram, twitter og pinterest følger (knapp)

Ei lang og vanskeleg overskrift, men du skjønar kanskje kva eg meiner?

Då eg oppdaterte bloggdesignet mitt i byrjinga av månen fann eg også endeleg ut korleis eg kunne leggje inn "følger"knappar til dei sosiale funksjonane eg brukar, i mitt tilfelle dei du ser i menyen til høgre.

På sida AddThis kan du enkelt leggje inn ditt brukarnamn i dei funksjonane du ynskjer å ha med på bloggen. Her har eg lagt inn mitt namn på Facebook, twitter, flickr og pinterest (sjølv om det er noko Anna resultat eg enda opp med her på bloggen).

Vindauget viser kva knappar du er registrert med, slik det vil sjå ut på bloggen. Når du er fornøgd trykker du videre "get the code".

Du får så opp ein html tekst som dette. Den kopierer du og limer inn i ein html boks inne i utforming av oppsett i blogger.

Forståelig!? Eg syns iallfall dette var genialt, og geniale ting må sjølvsagt delast!!

 

Bloggtips: blogger app for iPhone og iPad

I sommar har eg tidvis gått over til blogging med iPaden, og tidvis også iPhonen. Bileta blir ikkje like bra, men det er kjekt når ein er på reise eller berre ynskjer å dele eit lite blinkskudd.

Eg har gjort meg opp nokre tankar om blogg-app'ar som finst, og vil dele dei med deg!

Blogger

Kan lastast ned gratis, men er i utgangspunktet ein iPhone app. Appen blir derfor liten å jobbe med på iPad. Innlegget blir rart, og bileta blir lagt under kvarandre (kan ikkje sette inn bileta i teksten). Er etter mitt syn ubrukeleg til alt anna enn et par linjer med tekst og eit lite bilete!

BlogPress

Kan brukast på både iPad og iPhone, men valmulighetane er få. Eg har ikkje ein gong funne ut korleis teksten kan midtstillast med denne. Etter første gangs bruk oppdaga eg at eg fekk problemer med innlogging på blogspot på datamaskinen, og eg kunne heller ikkje redigere innlegget mitt der. Det kan ein derimot på bloggerapp'en.

Blogsy

Blogsy er faktisk programmet eg brukar til dette innlegget. Her kan eg hente bilete frå picasa, Flickr, instagram (som jo er genialt i desse #instatider) og fra iPaden/iCloud. Det vil også sei at alle bilete eg tek med iPhonen blir lasta opp på iCloud og eg har dei tilgjengeleg med denne app'en.

Her kan eg også lett legge inn filmar frå YouTube om eg ynskjer det, eller hente innhald direkte frå nettet. Menyen øvst gir val om utforming av tekst, font, osv. Eg kan utsette innlegg, velge blogg og legge til etikettar.

Den negative sida ved Blogsy er at den kostar pengar. 35,- kroner kostar den (eg trur dessverre den har stege i pris sidan eg kjøpte den). Dette er det dyraste eg har betalt for ein app, men i løpet av dei siste månadane har eg igrunn spart det inn på frustrasjon! Den er også ein iPad app, noko som vil sei at den ikkje fungerer på iPhone. Til iPhone er blogpress den beste app'en eg har prøvd.

Kjenner du til andre app'er som gjer samme nytten? Informer meg gjerne!