Gjestesoverom på budsjett

Gjestesoverommet vårt, innreda etter ei slunken lommebok. Mannen seier me ikkje må gjere det for komfortabelt, for gjestene må jo ikkje flytte inn heller.

Det er sjølvsagt berre tull. Sanninga er at me reiste heilt til Stavanger for å kjøpe ei meir komfortabel gjesteseng. Bestemte oss for at ikea si dobbeltseng på 150 måtte vere godt nok. Etter eit (for mannen) evig kaos, fekk me endeleg betalt. Vidare måtte me over vegen for å hente madrass og tilbehør og ut med varene i ein øydelagt tilhengar. Me var på veg til å setje oss inn i bilen då min betre halvdel kom til å tenkje på trappa opp til andre etasje på ingen måte er brei nok til å få opp ei 150 madrass. 

Enden på visa var at me måtte kjøre med madrassa over vegen til ikea igjen (sjølvsagt denne gong i rushtrafikk), stå i kø i returavdelingen og levere heile senga tilbake.

--

Med dette innlegget er eg med i norskeinteriørbloggarar si utfordring om å vise fram soverommet. Klikk deg inn for å sjå fleire fine bidrag!

Nytt soverom

..på budsjett!

Viser her eit glimt av resultatet etter dei to (!) siste vekers arbeid! Alt me har gjort er å male vegger og lister, men det tek si tid å bli ferdig gitt!

Ingenting nytt er kjøpt inn. Hekla sengeteppe frå farmor (har brukt den til duk) rekk over halve senga. Dei kvite trekassane var nattbord også tidlegare då soverommet var gult. Syns dei kom betre til si rett no!

Skriften på plakaten (enkelt og greit printa ut og hengt opp med tape) lyder slik:

I'm always most creative right before I fall asleep.

Kjenner du deg igjen?

God helg!!